Ingqiqo yamanina kuxanduva lokusiphula neengcambu ugonyamelo nokuxhatshazwa: Uhlalutyo lweetekisi ZesiXhosa ezicatshulwe kuncwadi olubhalwe ngamanina (1976-2015)
- Authors: Bilatyi, Katy Nomthandazo
- Date: 2024-04-04
- Subjects: Uncatalogued
- Language: Xhosa
- Type: Academic theses , Doctoral theses , text
- Identifier: http://hdl.handle.net/10962/435582 , vital:73170 , DOI 10.21504/10962/435582
- Description: Uphando luza kuqwalasela ingqiqo yamanina kuxanduva lokusiphula neengcambu ugonyamelo nokuxhatshazwa kwawo ngamadoda. Ingxoxo iza kugxila kubabhali abangamanina beencwadi zesiXhosa ezicatshulweyo kolu phando, nalapho kuqwalaselwa indlela ababazoba ngayo abalinganiswa babo abangamanina. Kule ngxoxo kuqwalaselwa indlela ababhali abangamanina abafana noBelebesi (1976), Dazela (1988), Magadla (1992) Madolo (1998), Mayosi (2003), Magqashela (2006) kunye noBuzani (2015) abathe babazoba ngayo abalinganiswa abangamanina kwiincwadi zesiXhosa ezicatshuliweyo. Oku kukutyhila ubukrelekrele bababhali ekusebenziseni uncwadi ukuzisa izisombululo kwimingeni ajamelene nayo amanina efana nogonyamelo kunye noxhatshwazo. Obu bukrelekrele baba babhali bujongwa ngokweembali ezimbini, imbali yaphambi kozuzo lwenkululeko emva kongenelelo lobuKoloniyali kunye neyasemva kozuzo lwenkululeko yaseMzantsi Afrika. Iincwadi ezikhethiweyo zibhalwe phakathi kweminyaka ye-1976 ukuya kwiminyaka yama-2015. Uphando luya kujonga ukuba lungaba lukhona utshintsho kusini na kwindlela la manina ababazoba ngayo abalinganiswa ngokwezi mbali zahlukileyo kananjalo naxa bezotywa ngababhali abangamadoda. Uphando luya kutyhila kananjalo imixholo nemixholwana abayikhethayo nedlulisa iimvakalelo zabo bengamanina kumbandela wogonyamelo olukhatshwa yipatriyakhi kunye noxhatshazo abalufumana kumadoda. Xa kuphendlwa le mixholo yaba babhali bahlukileyo baneemvelaphi ezahlukileyo ngokwemontlalo bebhala ngokwamaxesha okanye iimbhali ezahlukileyo, kuya kucaca ukuba amava abo ayafana nokuba linina okanye ibhinqa. Loo mava abo anele ukuba bajikeleze kwimixholo ebizwa ngokuba yifeminist themes nakubeni izimbo zabo zokubhala zahlukile nje. Injongo kukubonisa ukuba nangona amanina aphila phantsi kweemeko neemontlalo ezahlukileyo nje, iinzima neentlungu zawo azisombulula ngendlela efanayo ngokusebenzisa usiba. Le ngxoxo ikhatshwa ziithiyori ezifana nefemayinizimu, ngakumbi ifemayinizimu yaseAfrika kunye kunye nangokoMzantsi Afrika iquka iMotherism kunye nenkcubeko ephehlelelwe phantsi kwePatriyakhi. Ezi thiyori ziludondolo lokuphendla nokuhlalutya ezi ncwadi zikhethiweyo zesiXhosa ukuze sicacelwe yeyona ndima idlalwa ngamanina kuluntu nanjengoko sisazi ukuba apha eMzantsi Afrika adlale eyona ndima yokuncedisa ekuziseni utshintsho kwimibandela yengcinezelo nasekuzuzweni kwenkululeko. Yiyo loo nto kufuneka nawo abonakale exhamla ngokulinganayo namadoda kwinkululeko ayisebenzeleyo ngokususa ugonyamelo, uxhatshazo nokubulawa kwawo ngamadoda. , Thesis (PhD) -- Humanities, School of Languages and Literatures, 2024
- Full Text:
- Date Issued: 2024-04-04
- Authors: Bilatyi, Katy Nomthandazo
- Date: 2024-04-04
- Subjects: Uncatalogued
- Language: Xhosa
- Type: Academic theses , Doctoral theses , text
- Identifier: http://hdl.handle.net/10962/435582 , vital:73170 , DOI 10.21504/10962/435582
- Description: Uphando luza kuqwalasela ingqiqo yamanina kuxanduva lokusiphula neengcambu ugonyamelo nokuxhatshazwa kwawo ngamadoda. Ingxoxo iza kugxila kubabhali abangamanina beencwadi zesiXhosa ezicatshulweyo kolu phando, nalapho kuqwalaselwa indlela ababazoba ngayo abalinganiswa babo abangamanina. Kule ngxoxo kuqwalaselwa indlela ababhali abangamanina abafana noBelebesi (1976), Dazela (1988), Magadla (1992) Madolo (1998), Mayosi (2003), Magqashela (2006) kunye noBuzani (2015) abathe babazoba ngayo abalinganiswa abangamanina kwiincwadi zesiXhosa ezicatshuliweyo. Oku kukutyhila ubukrelekrele bababhali ekusebenziseni uncwadi ukuzisa izisombululo kwimingeni ajamelene nayo amanina efana nogonyamelo kunye noxhatshwazo. Obu bukrelekrele baba babhali bujongwa ngokweembali ezimbini, imbali yaphambi kozuzo lwenkululeko emva kongenelelo lobuKoloniyali kunye neyasemva kozuzo lwenkululeko yaseMzantsi Afrika. Iincwadi ezikhethiweyo zibhalwe phakathi kweminyaka ye-1976 ukuya kwiminyaka yama-2015. Uphando luya kujonga ukuba lungaba lukhona utshintsho kusini na kwindlela la manina ababazoba ngayo abalinganiswa ngokwezi mbali zahlukileyo kananjalo naxa bezotywa ngababhali abangamadoda. Uphando luya kutyhila kananjalo imixholo nemixholwana abayikhethayo nedlulisa iimvakalelo zabo bengamanina kumbandela wogonyamelo olukhatshwa yipatriyakhi kunye noxhatshazo abalufumana kumadoda. Xa kuphendlwa le mixholo yaba babhali bahlukileyo baneemvelaphi ezahlukileyo ngokwemontlalo bebhala ngokwamaxesha okanye iimbhali ezahlukileyo, kuya kucaca ukuba amava abo ayafana nokuba linina okanye ibhinqa. Loo mava abo anele ukuba bajikeleze kwimixholo ebizwa ngokuba yifeminist themes nakubeni izimbo zabo zokubhala zahlukile nje. Injongo kukubonisa ukuba nangona amanina aphila phantsi kweemeko neemontlalo ezahlukileyo nje, iinzima neentlungu zawo azisombulula ngendlela efanayo ngokusebenzisa usiba. Le ngxoxo ikhatshwa ziithiyori ezifana nefemayinizimu, ngakumbi ifemayinizimu yaseAfrika kunye kunye nangokoMzantsi Afrika iquka iMotherism kunye nenkcubeko ephehlelelwe phantsi kwePatriyakhi. Ezi thiyori ziludondolo lokuphendla nokuhlalutya ezi ncwadi zikhethiweyo zesiXhosa ukuze sicacelwe yeyona ndima idlalwa ngamanina kuluntu nanjengoko sisazi ukuba apha eMzantsi Afrika adlale eyona ndima yokuncedisa ekuziseni utshintsho kwimibandela yengcinezelo nasekuzuzweni kwenkululeko. Yiyo loo nto kufuneka nawo abonakale exhamla ngokulinganayo namadoda kwinkululeko ayisebenzeleyo ngokususa ugonyamelo, uxhatshazo nokubulawa kwawo ngamadoda. , Thesis (PhD) -- Humanities, School of Languages and Literatures, 2024
- Full Text:
- Date Issued: 2024-04-04
Uphononongo ngokobunzululwazi bume-ntlalo befuthe lasentshona kule mihla kwiincwadi zedrama: ekaqangule esihloko sithi “amaza” nekatamsanqa ethi “buzani kubawo.”
- Authors: Somkebe, Pindo Cynthia
- Date: 2017
- Subjects: Xhosa drama -- Criticism and interpretation Xhosa literature
- Language: English
- Type: Thesis , Masters , MA
- Identifier: http://hdl.handle.net/10948/20844 , vital:29406
- Description: Umba wokuguquka kwamaxesha nefuthe laseNtshona kudale uqhankqalazo, ungquzulwano novukelwano oludale unxunguphalo phakathi komzali nomntwana wakhe. Olu phando lugxile kakhulu kwincwadi kaTamsanqa ethi ‘Buzani kubawo’ nekaQangule ethi ‘Amaza’. Kuyafumaniseka ukuba ungquzulwano kwezi Drama zimbini lwenziwe kukudibana kwenkcubeko yaseNtshona neyemveli, zangquzulana. Abalinganiswa bamacala omabini baye banezinye iingqondo ezingahambelaniyo nelinye icala. Abalinganiswa abaziintloko bezi Drama zombini (ulutsha) bakholelwa kwinkcubeko yaseNtshona, babe abazali babo bona bekholelwa kwinkcubeko yemveli. Naxa abantu benkcubeko yemveli babeqhubeka nenkcubeko yabo yemveli, babengayithandi inkcubeko yaseNtshona eyamkelwe ngabantwana babo, ebenza ukuba bayijongele phantsi inkcubeko yabo yemveli. Apha ndizama ukuveza ukuguquka kwamaxesha ngenxa yefuthe laseNtshona okudale uqhankqalazo, ungquzulwano novukelwano phakathi komzali nomntwana nendlela oku kudala ngayo iyantlukwano ekuhlaleni naphakathi kwesizwe siphela. Oku kuza kwenziwa ngokuthi kuphononongwe nzulu ezi ncwadi zimbini zeDrama nendlela aba babhali abawudalance ngayo lo mcimbi wolu qhankqalazo. Ezinye izinto endiza kuziveza ziindlela zokuthetha ezithi zisetyenziswe ngabalinganiswa. Oku kwenziwa ngokuthi kugxeleshwe kakhulu kumagama nesigama esisetyenziswe ngaba babhali ukuzama ukuphuhlisa umxholo wabo. Unobangela wolu ngquzulwano kukuba abantu abadala abakholelwa kwinkcubeko yemveli bafuna ukuqweqwedisa abantwana abakholelwa kwinkcubeko yaseNtshona ukuba mabatshate ngenkani nabantu abangabathandiyo, nto leyo edale isiphelo esingekho sihle nokuphalala kwegazi kwezi Drama zimbini. Ngokuthe ngqo, ngokokucinga kwam, inkcubeko yaseAfrika ibonakala ikhuthaza ukuba ootata babenamalungelo angentla kwawoomama abashiyeka bona becinezelekile. Intwazana enguThobeka kuBuzani kubawo noNamhla kuAmaza bavezwe njengamaxhoba engcinezelo yamadoda xa bezibona sele begaxeleka emitshatweni namadoda abangawathandiyo. UThobeka utshatiswa noGugulethu angamaziyo ngenkani kuBuzani kubawo kanti uNamhla yena utshatiswa noSidima angamfuniyo, yena ezifunela uLizo wakhe kuAmaza. UThobeka uzibona ethobela abazali bakhe ngokuhamba aye eMthatha kuGugulethu ongamfuniyo kanti uyokuzibulalisa ngale ndoda kunye nabantwana athi ngabakhe. UNamhla kwelinye icala uthandana noLizo amthandayo ngoku angumfazi kaSidima, utshata noSidima ngomsesane abesele ewunikwe nguLizo. Unesibindi sokungenisa uLizo entangeni engekatshati kanti nangoku sele etshatile akayekanga ukungenisa uLizo apha kwaSidima. Apha ndiza kuveza uluvo lweengcali malunga neenkcubeko ezahlukileyo, unobangela wolu ngquzulwano neendlela ezinokwenziwa ukuthintela oku kungquzulana kule mihla siphila kuyo. Ukuqukumbela, isiphelo esibi sabalinganiswa senziwe kukunganyamezelani kwabantu abadala nabantwana benyanzelwa ngenkcubeko yemveli abangayifuniyo. Kuyinyaniso kona ukuba ngenxa yeenguqulelo ezininzi ezenzekileyo kweli, nezithe zalitshintsha ngokupheleleyo eli lizwe, uphando olutsha ngale miba lunganegalelo elikhulu. Ngoko ke, esi sifundo sigxile ekuphandeni nzulu ngendlela ephuhliswe ngayo le miba kwezi ncwadi zeDrama zimbini. Ababhali beethiyori ezahlukileyo ezisetyenziswe ekuhlalutyeni kolu phando benze kwakwazeka ukuchaza ngale miba yongquzulwano ngokunxulumene noncwadi. Inkcubeko ibonakala ingunozala nonobangela wendlela ubuni nongquzulwano obuthatyathwa ngayo ngabantu kwiintlanga zonke.
- Full Text:
- Date Issued: 2017
- Authors: Somkebe, Pindo Cynthia
- Date: 2017
- Subjects: Xhosa drama -- Criticism and interpretation Xhosa literature
- Language: English
- Type: Thesis , Masters , MA
- Identifier: http://hdl.handle.net/10948/20844 , vital:29406
- Description: Umba wokuguquka kwamaxesha nefuthe laseNtshona kudale uqhankqalazo, ungquzulwano novukelwano oludale unxunguphalo phakathi komzali nomntwana wakhe. Olu phando lugxile kakhulu kwincwadi kaTamsanqa ethi ‘Buzani kubawo’ nekaQangule ethi ‘Amaza’. Kuyafumaniseka ukuba ungquzulwano kwezi Drama zimbini lwenziwe kukudibana kwenkcubeko yaseNtshona neyemveli, zangquzulana. Abalinganiswa bamacala omabini baye banezinye iingqondo ezingahambelaniyo nelinye icala. Abalinganiswa abaziintloko bezi Drama zombini (ulutsha) bakholelwa kwinkcubeko yaseNtshona, babe abazali babo bona bekholelwa kwinkcubeko yemveli. Naxa abantu benkcubeko yemveli babeqhubeka nenkcubeko yabo yemveli, babengayithandi inkcubeko yaseNtshona eyamkelwe ngabantwana babo, ebenza ukuba bayijongele phantsi inkcubeko yabo yemveli. Apha ndizama ukuveza ukuguquka kwamaxesha ngenxa yefuthe laseNtshona okudale uqhankqalazo, ungquzulwano novukelwano phakathi komzali nomntwana nendlela oku kudala ngayo iyantlukwano ekuhlaleni naphakathi kwesizwe siphela. Oku kuza kwenziwa ngokuthi kuphononongwe nzulu ezi ncwadi zimbini zeDrama nendlela aba babhali abawudalance ngayo lo mcimbi wolu qhankqalazo. Ezinye izinto endiza kuziveza ziindlela zokuthetha ezithi zisetyenziswe ngabalinganiswa. Oku kwenziwa ngokuthi kugxeleshwe kakhulu kumagama nesigama esisetyenziswe ngaba babhali ukuzama ukuphuhlisa umxholo wabo. Unobangela wolu ngquzulwano kukuba abantu abadala abakholelwa kwinkcubeko yemveli bafuna ukuqweqwedisa abantwana abakholelwa kwinkcubeko yaseNtshona ukuba mabatshate ngenkani nabantu abangabathandiyo, nto leyo edale isiphelo esingekho sihle nokuphalala kwegazi kwezi Drama zimbini. Ngokuthe ngqo, ngokokucinga kwam, inkcubeko yaseAfrika ibonakala ikhuthaza ukuba ootata babenamalungelo angentla kwawoomama abashiyeka bona becinezelekile. Intwazana enguThobeka kuBuzani kubawo noNamhla kuAmaza bavezwe njengamaxhoba engcinezelo yamadoda xa bezibona sele begaxeleka emitshatweni namadoda abangawathandiyo. UThobeka utshatiswa noGugulethu angamaziyo ngenkani kuBuzani kubawo kanti uNamhla yena utshatiswa noSidima angamfuniyo, yena ezifunela uLizo wakhe kuAmaza. UThobeka uzibona ethobela abazali bakhe ngokuhamba aye eMthatha kuGugulethu ongamfuniyo kanti uyokuzibulalisa ngale ndoda kunye nabantwana athi ngabakhe. UNamhla kwelinye icala uthandana noLizo amthandayo ngoku angumfazi kaSidima, utshata noSidima ngomsesane abesele ewunikwe nguLizo. Unesibindi sokungenisa uLizo entangeni engekatshati kanti nangoku sele etshatile akayekanga ukungenisa uLizo apha kwaSidima. Apha ndiza kuveza uluvo lweengcali malunga neenkcubeko ezahlukileyo, unobangela wolu ngquzulwano neendlela ezinokwenziwa ukuthintela oku kungquzulana kule mihla siphila kuyo. Ukuqukumbela, isiphelo esibi sabalinganiswa senziwe kukunganyamezelani kwabantu abadala nabantwana benyanzelwa ngenkcubeko yemveli abangayifuniyo. Kuyinyaniso kona ukuba ngenxa yeenguqulelo ezininzi ezenzekileyo kweli, nezithe zalitshintsha ngokupheleleyo eli lizwe, uphando olutsha ngale miba lunganegalelo elikhulu. Ngoko ke, esi sifundo sigxile ekuphandeni nzulu ngendlela ephuhliswe ngayo le miba kwezi ncwadi zeDrama zimbini. Ababhali beethiyori ezahlukileyo ezisetyenziswe ekuhlalutyeni kolu phando benze kwakwazeka ukuchaza ngale miba yongquzulwano ngokunxulumene noncwadi. Inkcubeko ibonakala ingunozala nonobangela wendlela ubuni nongquzulwano obuthatyathwa ngayo ngabantu kwiintlanga zonke.
- Full Text:
- Date Issued: 2017
- «
- ‹
- 1
- ›
- »